Tilgangur námsþáttarins er að þjálfa námsmenn í samskiptum, framkomu og þjónustu við viðskiptavini. Kynnt eru helstu hugtök í þjónustu og hvað felst í góðri þjónustu. Lögð er áhersla á að þjálfa hæfni í samskiptum, að efla sjálfstraust námsmanna og hæfni námsmanna til að laga sig að þeim aðstæðum sem upp geta komið í þjónustu við viðskiptavini.
námsmaður skal hafa öðlast þekkingu og skilning á:
Hvað felst í góðri þjónustu.
Þjónustustefnu fyrirtækisins.
Mikilvægi aðlögunarhæfni í breytilegu starfsumhverfi.
námsmaður skal hafa öðlast leikni í að:
Eiga jákvæð samskipti við viðskiptavini.
Bregðast við á viðeigandi hátt, jafnvel í erfiðum aðstæðum.
Setja sig í spor annarra og virða ólík sjónarmið.
námsmaður skal geta hagnýtt þá almennu þekkingu og leikni sem hann hefur aflað sér til að:
Laga tjáskipti sín við viðskiptavini að aðstæðum hverju sinni.
Sýna sjálfstraust í daglegum störfum sínum og hafa raunsæja trú á eigin getu.
Koma fram af heilindum og virðingu við alla viðskiptavini og samstarfsfólk.
Veita framúrskarandi þjónustu í samræmi við markmið fyrirtækis.
Laga sig að aðstæðum sem koma upp í starfinu.
Vinna sem hluti af heild við að þjónusta viðskiptavini.
Vinna á skilvirkan hátt undir álagi.
Takast á við tímabundnar streituvaldandi aðstæður.