Námstækni, að setja sér markmið, ferilskrá, kynningarbréf og uppfærsla færnimappa., lestraraðferðir, skipulögð vinnubrögð
Samþykkt af fræðsluaðila
1
10
Tilgangur námsþáttarins er að nemi þjálfist í að læra og skapi sér námsstíl. Gera/uppfæra færnimöppu sem lýsir eigin færni ásamt því að skrá áunnin réttindi og skírteini. Farið er í grunnatriði tímastjórnunar og þjálfun í að beita aðferðum til að skipuleggja eigin vinnubrögð og setja sér raunhæf markmið. Þá er þjálfun í uppbyggingu og framsetningu á ferilskrá og kynningarbréfi.
Viðfangsefni námsþáttarins fléttast inn í alla námsþætti námskrárinnar.
Aðgangur að námsleiðinni – mat fræðsluaðila
námsmaður skal hafa öðlast þekkingu og skilning á:
mismunandi námstækni og námsaðferðum
hvað þarf til að geta sett sér raunhæf markmið (í námi)
ólíkum lestraraðferðum
sjálfsaga og hugarfari gagnvart breytingum.
námsmaður skal hafa öðlast leikni í að:
skipuleggja vinnu sína við nám og störf
setja sér raunhæf markmið
gera samantekt um eigin færni
setja upp snyrtilega ferilskrá.
námsmaður skal geta hagnýtt þá almennu þekkingu og leikni sem hann hefur aflað sér til að:
beita sjálfsaga til að ná eftirsóttum árangri
gera kynningarbréf á nokkra mismunandi vegu
nýta mögulegar bjargir til að efla námstækni sína
nýta mögulegar bjargir til að styrkja persónulega færni.
Símat með fjölbreyttum matsaðferðum og áherslu á leiðsagnarmat sem byggir á vinnu og virkni nema.