Námsþættinum er ætlað að efla skilning og færni námsmanna í vinnu við skýjalausnir.
Fjallað verður um tilgang og notkunarmöguleika skýjalausna. Farið verður yfir samvinnu í gegnum skýjalausnir sem felur í sér að unnið eru á sameiginlegu vinnusvæði í skýi en ekki á einstaka tækjum. Fjallað er um deilingu skjala og gagna í gegnum skýjalausnir, bæði þegar unnið er í sömu skýjalausninni og sitt hvorri. Farið er í hvernig útgáfusaga skjala virkar, aðgangsstýring og öryggismál skýjalausna.
námsmaður skal hafa öðlast þekkingu og skilning á:
Helstu skýjalausnum og hvað er líkt með þeim og hvað er ólíkt
Að skýjalausn er gagnageymsla og vinnslusvæði
Öryggismálum skýjalausna og af hverju þau skipta máli fyrir vinnustaði og einstaklinga
Tilgangi útgáfusögu skjala í skýjalausnum
Hvernig skjölum er deilt í skýjalausn og hver er tilgangur deilingar
Tvöfaldri auðkenningu við innskráningu í skýjalausn
námsmaður skal hafa öðlast leikni í að:
Vinna með skjöl í skýjalausnum, svo sem að stofnað, vistað, breyta deila skjölum
Setja af stað og eiga samskipti og samstarf í skýjalausn
Tryggja öryggi skjala í skýjalausnum
Geta nýtt tvöfalda auðkenningu til að tryggja öryggi skýjalausna
námsmaður skal geta hagnýtt þá almennu þekkingu og leikni sem hann hefur aflað sér til að:
Vinna af öryggi bæði sjálfstætt og með öðrum í skýjalausn
Geta átt og sett af stað samvinnu í skýjalausn og valið viðeigandi leiðir á öruggan hátt
Nýta sér útgáfustýringu skjala til að tryggja gæði skjalavinnslu
Vera ábyrgur og gæta öryggis í vinnu við skýjalausnir
Lögð er áhersla á fjölbreyttar matsaðferðir í samræmi við viðfangsefni námsþáttarins hverju sinni. Við mat á hæfni má notast við spurningar eins og: - Hefur námsmaður verið í aðstæðum þar sem reyndi á þessa hæfni? - Hvert var framlag námsmannsins við slíkar aðstæður? - Hvaða þekkingu og leikni þarf námsmaður að búa yfir til að vera fær um að gera það sem lýst er í hæfniviðmiðum?