Fjallað er um grunnþætti atferlismótunar, grunnhugtök virkrar skilyrðingar og hagnýtingu hennar í uppeldis-og meðferðarstarfi auk viðbragðsskilyrðingar. Einnig er rætt um jákvæða og neikvæða styrkingu, refsingu og slokknun. Kynning á og þjálfun í að greina þætti sem stjórna og viðhalda hegðun auk leiða sem þarf að hafa í huga þegar hegðun er skilgreind og mæld fyrir og eftir íhlutun. Þjálfun í beitingu aðferða til að ná fram eftirsóknarverðri hegðun og draga úr óæskilegri hegðun. Fjallað er um AHA líkanið (aðdragandi-hegðun-afleiðing) og fyrirbyggjandi aðferðir og úrræði í skólum. Loks eru ræddar árangursríkar leiðir til að gera samninga um hegðun við börn og unglinga og leiðir til að setja mörk. Nemar prófa að beita aðferðum atferlismótunar á vettvangi. Lagt upp úr því að nemar tengi fræðin við vinnu og starf á vettvangi.
námsmaður skal hafa öðlast þekkingu og skilning á:
grunnhugtökum atferlismótunar og -greiningar
tegundum umbunarkerfa
gildi og beitingu jákvæðrar styrkingar - hvað ber að hafa í huga við val á styrkingu og beitingu slíkrar
leiðum til að gera samninga um hegðun við börn og unglinga
siðferðilegum álitamálum sem koma upp við beitingu atferlismótunar
ólíkum tegundum atferlismótandi kerfa
gildi jákvæðra viðhorfa og virðingar gagnvart einstaklingum sem unnið er með.
námsmaður skal hafa öðlast leikni í að:
beita aðferðum til að auka eftirsóknarverða hegðun hjá börnum og unglingum
beita aðferðum til að draga úr óæskilegri hegðun
skrá, mæla og skilgreina hegðun fyrir og eftir íhlutun
greina þætti sem viðhalda óæskilegri hegðun
fjalla um hugtök, gildi og hagnýtingu atferlismótunar í daglegu lífi
ræða álitamál í tengslum við refsingar í atferlismótun
smíða og beita umbunarkerfi.
námsmaður skal geta hagnýtt þá almennu þekkingu og leikni sem hann hefur aflað sér til að:
draga úr óæskilegri hegðun og auka eftirsóknarverða hegðun
lýsa gildi jákvæðra viðhorfa og virðingar gagnvart einstaklingum
setja skýr mörk og fylgja þeim eftir
sjá kosti og ókosti ólíkra aðferða í atferlismótun og velja viðeigandi aðferðir
nýta atferlismótandi aðferðir á starfsvettvangi og heima.
Símat með fjölbreyttum matsaðferðum og áherslu á leiðsagnarmat, munnlegt og skriflegt, samofið kennslu. Verkefni ýmist í formi einstaklings-, hópa-, umræðu- og netverkefni.