Fjallað er um stöðu kynjanna í samfélaginu, staðan rædd og greind. Hugtök kynja- og hinseginfræða skoðuð og ígrunduð. Námsfólk rýnir eigið umhverfi og menningu með kynjagleraugum, orsakir og afleiðingar kynjakerfis. Birtingarmyndir kynjamisréttis og annars félagslegs misréttis eru ræddar í samhengi við áhrif misréttis á persónulega hamingju og samfélagslega velsæld. Meðal umfjöllunarefna eru vændi, kynhlutverk, klám, ofbeldi, mansal, staðalmyndir og fjölmiðlar. Nemar skrifa leiðabók um alla efnisþætti námsþáttarins og viðra skoðanir sínar og upplifanir.
námsmaður skal hafa öðlast þekkingu og skilning á:
stöðu kynja í samfélögum nær og fjær
birtingarmyndum misréttis
áhrifum fjölmiðla og staðalmynda á sjálfsmynd
tengslum kynhlutverka og vinnumarkaðar
samhengi félagsmótunar, viðhorfa og væntinga
mikilvægi vitundarvakningar á félagslegum vandamálum
hugtökum kynjafræðinnar.
námsmaður skal hafa öðlast leikni í að:
beita kynjagleraugum á félagslegan veruleika samfélagsins
taka þátt í rökræðu um stöðu kynja og orsakir misréttis
rýna í ýmis svið samfélagsins og leggja mat á stöðu kynjanna eins og hún birtist þar
setja sig í spor annarra
rýna eigin viðhorf og væntingar.
námsmaður skal geta hagnýtt þá almennu þekkingu og leikni sem hann hefur aflað sér til að:
glöggva sig á eigin stöðu m.t.t. kyns
setja eigin persónu í samhengi félagsmótunar og kynhlutverka
meta og taka afstöðu til ólíkra jafnréttismála
fjalla um helstu orsakir mismununar kynja út frá hugmyndum kynjafræði
rýna og ræða valdatengsl í samfélaginu
yfirfæra ójafnrétti eins hóps á annan.
Símat með fjölbreyttum matsaðferðum og áherslu á leiðsagnarmat, munnlegt og skriflegt, samofið kennslu. Verkefni ýmist í formi einstaklings-, hópa-, umræðu- og netverkefni.