Fyrri hlutinn snýst um kynningu og þjálfun í undirstöðuatriðum í notkun töflureiknis. Seinni hlutinn snýst um helstu verkefni tölfræði og komið er inn á grunnþætti líkinda. Nemar þjálfast í að lesa úr tölulegum gögnum og tengja við myndræna framsetningu. Lesa upplýsingar úr töflum, línu-, stöpla- og skífuritum ásamt því að teikna slík rit (myndir), einkum með aðstoð töflureiknis. Unnið með meðaltal, miðgildi, tíðasta gildi og tíðni ásamt gagnasöfnun. Farið yfir einfalda framsetningu tölulegra gagna, m.a. með myndritum og helstu formúlur í töflureikni notaðar. Notuð og kynnt hugtök tölfræðirannsókna, s.s. þýði, úrtak, óvissuvaldar í rannsóknum og misnotkun á tölfræði.
Stærðfræði á 1. þrepi, grunnskólapróf með B (7 eða hærra)
námsmaður skal hafa öðlast þekkingu og skilning á:
grunnatriðum í notkun töflureikna
undirstöðu fyrir lýsandi tölfræði
helstu hugtökum fyrir gagnasöfn og tölfræði
hugtökum s.s. meðaltal, vegið meðaltal, miðgildi, tíðasta gildi og tíðni ásamt frávikum
einfaldri framsetningu og formúlum í töflureikni
tölfræðirannsóknum, þýði, úrtaki, óvissuvöldum
líkindahugtakinu ásamt útkomu, atburði og útkomurúm.
námsmaður skal hafa öðlast leikni í að:
nota töflureikni til að beita viðeigandi aðferðum við úrlausnir tölfræðiverkefna
reikna helstu gildi sem lýsa gagnasöfnum, s.s. tíðasta gildi, meðaltal, vegið meðatal og miðgildi
nota töflureikna til að vinna úr tölfræðilegum gögnum
lesa úr töflum, línu-, stöpla- og skífuritum og teikna slík rit með aðstoð töflureiknis
vinna tíðnitöflu úr gagnasafni.
námsmaður skal geta hagnýtt þá almennu þekkingu og leikni sem hann hefur aflað sér til að:
beita viðeigandi aðferðum við lausnir verkefna með töflureikni
tengja saman almenn tölfræðileg hugtök og myndrænt efni
greina og nýta upplýsingar úr daglegu lífi með því að nota töflureikni
iðka gagnrýni á tölfræðiupplýsingar og ræða um misbeitngu tölfræði s.s. hlutföll og myndræna framsetningu.
Símat með fjölbreyttum matsaðferðum og áherslu á leiðsagnarmat sem byggir á vinnu og virkni nema. Leitast er við að nemar komi að matinu s.s. með jafningja- og sjálfsmati. Verkefni ýmist í formi einstaklings-, hópa-, umræðu- og netverkefni.