Tilgangur námsþáttarins er að undirbúa námsfólk með umfjöllun og umræðum undir margs konar ólík samskipti við einstaklinga í ýmsum aðstæðum. Fjallað er um þróun í óhefðbundnum samskiptum og nýjustu stefnur kynntar og ræddar. Nemar fá æfingu og þjálfast í aðferðum til að bregðast við og takast á við streituvaldandi aðstæður, meðvirkni og kvíða. Fjallað er um mikilvægar leiðir til að setja mörk í samskiptum og verjast ágengni. Þá er áhersla á gildi virðingar og fordómaleysis gagnvart skjólstæðingum, aðstandendum og fólki almennt. Ýmis verkefni og umræður í beinum tengslum við efnistök.
Samskipti á þrepi 1
námsmaður skal hafa öðlast þekkingu og skilning á:
óhefðbundnum samskiptaleiðum
mikilvægi markvissrar spurningatækni og málamiðlun (pictogram (skýringamynd), teacch, bliss ofl.)
gildi uppbyggilegra og jákvæðra samskipta
áhrifum og túlkun á líkamstjáningu
streituviðbrögðum við áföllum
að setja (eðlileg) mörk
eigin styrkleikum og veikleikum í starfi.
námsmaður skal hafa öðlast leikni í að:
lesa í líkamstjáningu og óhefðbundin samskipti fólks
beita uppbyggilegum samskiptaleiðum, m.a. hvatningu og jákvæðni
lesa í (erfið) samskipti og setja ágengu fólki mörk
nota mismunandi samskiptaleiðir við fólk sem notar óhefðbundin samskipti
takast á við streituviðbrögð skjólstæðinga.
námsmaður skal geta hagnýtt þá almennu þekkingu og leikni sem hann hefur aflað sér til að:
geta beitt óhefðbundnum og lausnamiðuðum samskiptaaðferðum á markvissan hátt
setja sér og öðrum (eðlileg) mörk í erfiðum og ágengum aðstæðum
ræða og útskýra gildi skýrra og fordómalausra samskipta.
Símat með fjölbreyttum matsaðferðum og áherslu á leiðsagnarmat samofið kennslu, byggir á vinnu og virkni nema. Verkefni ýmist í formi einstaklings-, hópa-, umræðu- og netverkefni.