Json

Námsbraut

Titill brautar: Námsleið: Námslok:
Einka- og styrktarþjálfari (Staðfestingarnúmer 536) 22-536-3-9 einkaþjálfari hæfniþrep 3
Lýsing: Námsbrautin undirbýr þá sem vilja starfa sem einka- og styrktarþjálfarar og þjónusta þá sem leita eftir aðstoð og leiðbeiningum varðandi líkamsþjálfun og heilsurækt. Hlutverk einka- og styrktarþjálfara er því gerð einstaklingsmiðaðra þjálfunaráætlana byggðum á líkamsgreiningum og niðurstöðum úr samtölum er varða heilsufarssögu sem og markmiðum viðkomandi skjólstæðings. Námsbrautin skiptist í þrjá hluta. Í fyrsti hluta, kjarna, eru kenndar almennar undirstöðugreinar, annar hluti er tileinkaður grunnáföngum í heilbrigðisgreinum og þriðji hlutinn sérgreinum einka- og styrktarþjálfunar. Að námi loknu hafa nemendur haldgóða þekkingu á uppbyggingu og starfsemi mannslíkamans og viðbrögðum hans við þjálfunaráreiti. Nemendur fá fræðslu um mikilvægi heilbrigðs lífstíls s.s. með kennslu í næringarfræði og heilsubætandi áhrifum hreyfingar.

Grunnupplýsingar Meginatriði brautarlýsingar

Inntökuskilyrði: Grunnskólapróf. Til að hefja nám á öðru hæfniþrepi í dönsku, ensku, íslensku eða stærðfræði þarf nemandi að hafa náð hæfnieinkunn B við lok grunnskóla eða að hafa lokið fyrsta þreps áfanga í þessum greinum. Miðað er við að nemendur hafi náð 18 ára aldri þegar þeir hefja nám við sérgreinar einka- og styrktarþjálfunar.
Skipulag: Nám í einkaþjálfun er samtals 170 einingar og skiptist í 67 eininga nám í kjarna, 33 eininga nám í heilbrigðisgreinum og 70 eininga nám í bóklegum og verklegum sérgreinum einka- og styrktarþjálfunar. Gert er ráð fyrir að nám í kjarna og heilbrigðisgreinum taki 3-4 annir og að nemendur hafi alla jafna lokið því námi áður en þeir hefja nám í sérgreinum einka- og styrktarþjálfunar. Sérnámið er skipulagt sem tveggja anna nám. Á lokaári námsins er áhersla lögð á verklega kennslu, sérhæfingu og starfsnám þar sem nemendur fara í fjölbreyttar vinnustaðaheimsóknir ásamt því að þjálfa einstaklinga undir leiðsögn fagaðila.
Námsmat Námsmat fer fram með fjölbreytilegum hætti og byggist á prófum, símati, verkefnavinnu, mati á verklegu námi og sjálfsmati nemanda. Lágmarkseinkunn til að standast áfanga er 7 í sérgreinum einka- og styrktarþjálfunar en 5 í öðrum áföngum.
Starfsnám: Starfsþjálfun byggist á heimsóknum á starfsstaði einka- og styrktarþjálfara. Áhersla er lögð á fagmennsku og almennar siðareglur við þjálfun og kynnast nemendur leiðum til að hvetja og vekja áhuga fólks á heilsurækt. Nemendur læra að vera meðvitaðir um öryggi sitt og skjólstæðings á starfsvettvangi. Ætlast er til að nemendu öðlist verklega færni og fagleg vinnubrögð við þjálfun og ráðleggingar til skjólstæðinga. Einnig er lögð áhersla á viðtalstækni og getu til að ræða og skýra út forsendur þjálfunar fyrir skjólstæðingum.
Reglur um námsframvindu: Einingafjöldi á brautinni er 170 einingar og útskrifast nemendur með hæfni á 3. þrepi. Nemendur þurfa að hafa lokið áföngum í kjarna og heilbrigðisgreinum áður en þeir byrja í sérgreinum einka- og styrktarþjálfunar. Nánari skýringar á námsframvindu er að finna í skólanámskrá.
Hæfniviðmið:

Að loknu námi skal nemandi hafa hæfni til að ...

  • Safna saman viðeigandi upplýsingum um heilsufar og lífstíl notenda
  • Framkvæma mælingar og próf byggð á viðurkenndum aðferðum til að meta líkamlegt ástand og hæfni skjólstæðinga og greina upplýsingar er varða líkamsástand og afkastagetu þeirra
  • Útbúa fjölbreyttar þjálfunaráætlanir sem hæfa mismunandi þörfum og markmiðum skjólstæðinga
  • Hámarkaka nýtingu á því æfingaumhverfi sem skjólstæðingar hafa aðgang að
  • Fjalla um og leiðbeina notendum um heilsusamlegt matarræði í samræmi við viðurkenndar upplýsingar um næringu s.s.manneldismarkmið
  • Beita innsæi, gagnrýnni og skapandi hugsun við lausn viðfangsefna
  • Huga að eigin starfsþróun, tileinka sér nýjungar, greina ný tækifæri og vera meðvitaður um mikilvægi þess að fylgjast með framþróun innan greinarinnar
  • Þekkja gildi samfélagslegrar ábyrgðar, forvarnir og hvetja til athafna og úrræða sem stuðla að heilbrigðum lífstíl
  • Vera meðvitaður um mikilvægi þess að vera góð fyrirmynd
  • Meta hvenær þörf er á að leita til og vísa á fagfólk innan heilbrigðissviðs
  • Gæta þagmælsku og sýna samskiptahæfni og siðferðisvitund í störfum sínum
  • Vinna eftir gæðaviðmiðum, þekkja vinnuvernd og öryggisferla á vinnustað og veita skyndihjálp ef slys eða óhöpp ber að höndum
  • Sýna sjálfstæð vinnubrögð, geta skipulagt verkefni út frá ólíkum þörfum og skapað öryggi og vellíðan notenda
  • Taka þátt í þverfaglegu samstarfi og koma á framfæri sérhæfðri þekkingu sem við á hverju sinni
  • Starfa eftir siðareglum og sýna siðferðisvitund, fordómaleysi, umburðarlyndi og víðsýni í störfum sínum
  • Geti veitt skjólstæðingum hvatningu og andlegan stuðning við að ná markmiðum sínum

Einingafjöldi Fjöldi framhaldsskólaeininga sem þarf til að útskrifast af brautinni

170  fein.

Kjarni Skylduáfangar brautarinnar


Kjarni (67 einingar)
Námsgrein
Þrep 1
Þrep 2
Þrep 3
Þrep 4
fein.
Heilbrigðisgreinar (33 einingar)
Námsgrein
Þrep 1
Þrep 2
Þrep 3
Þrep 4
fein.
Sérgreinar (70 einingar)
Námsgrein
Þrep 1
Þrep 2
Þrep 3
Þrep 4
fein.
Hlutfall eininga á þrepum í kjarna
Þrep 1
Þrep 2
Þrep 3
Þrep 4
 
 
 
 

Frjálst Val Aðrir óskilgreindir áfangar sem nemendur geta valið/metið á námsbrautinni

Lýsing: Frjálst val ekki leyft. Mögulegt er að meta íþróttaiðkun eða sambærilega áfanga af öðrum brautum.

Grunnþættir og lykilhæfni Hvernig unnið er með grunnþætti og lykilhæfni

Læsi, tjáning og samskipti um tölur og upplýsingar:
  • með því að nemendur læra að túlka upplýsingar og setja þær fram
  • með því að nemendur eru þjálfaðir í heimildaleit og að vera gagnrýnir á heimildir
  • með því að nemendur læra að lesa í aðstæður, samskipti og líðan annarra
  • með því að nemendur öðlast hæfni í að tjá sig bæði í ræðu og riti
  • með því að nemendur læra að vera gagnrýnir á tölulegar upplýsingar í fjölmiðlum og fræðigreinum
  • með því að nemendur geti sett fram og notað tölulegar upplýsingar í röksemdafærslur
Námshæfni:
  • með því að nemendur vinna með styrkleika sína til þess að byggja upp jákvæða sjálfsmynd
  • með því að nemendur læra að setja sér raunhæf markmið og meta hvort þau hafi náðst
  • með því að nemendur eru hvattir til þess að vera gagnrýnir á það sem þeir eru að gera hverju sinni
  • með því að nemendur eru gerðir meðvitaðir um nám sitt í gegnum kennsluaðferðir og námsmat
  • með því að nemendur taka ábyrgð á eigin námi
  • með því að nemendur öðlast færni í að meta verk sín og annarra með sjálfs- og jafningjamati
  • með því að nemendur læra að færa rök fyrir máli sínu á gagnrýninn hátt
  • með því að nemendur fá umsagnir um verkefnin sín þar sem lögð er áhersla á að veita því athygli sem vel er gert og leiðbeint um hvað betur megi fara
Skapandi hugsun og hagnýting þekkingar:
  • með því að nemendur geti notað sérhæfðan búnað við lausn viðfangsefna
  • með því að nemendur eru hvattir til að taka frumkvæði í eigin námi og sýna ígrundun og gagnrýna hugsun
  • með því að nemendur virkja sköpunarkraftinn til að sýna fram á námsárangur sinn
  • með því að ögra nemendum til að leita ólíkra leiða við lausn verkefna
  • með því að nemendur verði meðvitaðir um styrkleika sína og geti nýtt þá í vinnu sína
Jafnrétti:
  • með því að skoða hinar ýmsu tegundir jafnréttis, s.s. kynjajafnrétti, kynþáttajafnrétti og jafnan rétt fatlaðra og ófatlaðra
  • með því að nemendur taka viðhorf sín og samnemenda til skoðunar með gagnrýnum hætti
  • með því að nemendur taka þátt í gagnrýnum umræðum um samfélag jafnræðis, jafnréttis og réttlætis
Menntun til sjálfbærni:
  • með því að nemendur taka þátt í gagnrýnum umræðum um samfélag jafnræðis, jafnréttis og réttlætis
  • með því að nemendur læri að taka gagnrýna afstöðu til þessara þátta og samspils þeirra
  • með því að nemendur fá þjálfun í að taka tillit til annarra og skoðana þeirra
  • með því að nemendur skoða hvernig má bæta samfélagið og láta gott af sér leiða
Læsi, tjáning og samskipti á erlendum tungumálum:
  • með því að lesa sérhæfða fræðitexta á ensku og norsku í heilbrigðisgreinum
  • með því að nemendur kynnast hinum ýmsu menningarheimum og verða læsir á ólík samfélög
  • með því að nemendur afla sér upplýsinga á tungumálunum og túlka þær
Heilbrigði:
  • með því að nemendur geri sér grein fyrir hvernig þeir geti stundað heilbrigt líferni til að auka lífsgæði sín
  • með því að koma til móts við þarfir, getu og áhugasvið nemenda
  • með því að nemendur kynnast sjálfum sér betur
  • með því að byggja upp og styrkja jákvæða sjálfsmynd nemenda
  • Með því að læra um lífeðlisfræði mannsins og skilja þá flóknu ferla sem hafa áhrif á líkamlegt heilbrigði
Læsi, tjáning og samskipti á íslensku:
  • með því að leggja áherslu á eflingu orðaforða og íslenska hugtakanotkun í náttúruvísindagreinum
  • með því að lögð er áhersla á miðlun upplýsinga og túlkun
  • með því að leggja áherslu á samskipti, gögn, umhverfi og aðstæður
  • með því að nemendur vinna að fjölbreyttum verkefnum þar sem þeir kynnast ýmsum hliðum á læsi
  • með því að nemendur þjálfast í vandaðri málnotkun í ræðu og riti
Lýðræði og mannréttindi:
  • með því að nemendur fá val um verkefni
  • með því að nemendur fá val um framsetningarform verkefna
  • með því að nemendur öðlast hæfni í samskiptum við aðra í gegnum hópavinnu
  • með því að nemendur taka þátt í sjálfs- og jafningjamati
  • með því að mannréttindi eru skoðuð út frá mörgum sjónarhornum
  • með því að nemendur þjálfast í að vera virkir þátttakendur í lýðræðissamfélagi
  • með því að hlustað er á skoðanir nemenda varðandi þróun skólastarfsins