Námsbraut
Titill brautar: | Námsleið: | Námslok: |
Málm- og véltæknibraut (Staðfestingarnúmer 91) 18-91-3-7 | stúdent | hæfniþrep 3 |
Lýsing: | Á málm- og véltæknibraut til stúdentsprófs er fléttað saman undirbúningi fyrir háskólanám og hefðbundnu verknámi. Á brautinni vefjast fornar handverkshefðir og vitneskja um eiginleika málma og aðferðir sem notaðar eru við hagnýtingu þeirra saman við nútíma tölvu- og stýritækni. Auk þess að kynnast hinu hefðbundna verknámi verða nemendur undirbúnir fyrir þátttöku í nútímalegu lýðræðissamfélagi með því að auka hæfni þeirra til gagnrýninnar hugsunar, efla vitund um eigin getu og takmarkanir og styrkja samskiptahæfni og samhug. Áhersla er lögð á að koma til móts við nemendur sem hafa hug á frekara námi á háskólastigi en vilja jafnframt hagnýta menntun sem felur í sér hæfni til starfa sem krefjast nákvæmni, útsjónarsemi, sköpunarhæfni og vandaðs verklags.
Nemendur innritast á málm- og véltæknibraut til stúdentsprófs velja milli fjögurra kjörsviða: Blikksmíði, rennismíði, stálsmíði og vélvirkjunar. |
Grunnupplýsingar Meginatriði brautarlýsingar
Inntökuskilyrði: | Umsækjendur skulu hafa lokið grunnskólaprófi. Til þess að nemandi geti hafið nám á 2. hæfniþrepi í dönsku, ensku, íslensku og stærðfræði þarf hann að hafa hlotið einkunnina B á grunnskólaprófi. Aðrir nemendur taka sérstaka undirbúningsáfanga á 1. hæfniþrepi. Sjá nánar í skólanámskrá. |
Skipulag: | Námi til stúdentsprófs á málm- og véltæknibraut er ætlað að búa nemendur undir nám á háskólastigi ásamt því að veita undirbúning undir sérhæfð störf á sviði málm- og véltækni. Heildarnámstími er þrjú ár komi nemandi vel undirbúinn úr grunnskóla.
Áhersla er lögð á að nemendur kynnist í námi sínu þeim verkferlum og tækni sem beitt er í atvinnulífinu og er leitast við að hafa samstarf við þau iðnfyrirtæki sem fremst standa á sviði málm- og véltækni hverju sinni þannig að nemendur kynnist því verklagi sem þar er stundað. Nemendur takast á við hagnýt verkefni og er verklegt nám að stærstum hluta einstaklings- og verkefnamiðað. Hagnýtir og fræðilegir þættir eru tengdir saman eins og kostur er þannig að nemendur öðlist sem dýpstan skilning á þeim aðferðum sem beitt er við hvern verkþátt. Í bóklegum greinum er leitast við að svara kröfum samfélagsins um breiða, almenna menntun. Grunnþáttum menntunar eru gerð skil í ýmsum námsáföngum og leitast við að efla gagnrýna hugsun og sköpunarkraft nemenda með fjölbreyttum hætti. Nám til stúdentsprófs af málm- og véltæknibraut er 200 einingar. Kjarni brautarinnar er 105 einingar, kjörsvið 45 einingar og bóklegt nám til stúdentsprófs 45 einingar. Nemendur velja 5 einingar í frjálsu áfangavali. Námslok eru á þriðja hæfniþrepi. Að loknu stúdentsprófi býðst nemendum að bæta við sig vinnustaðanámi (45 einingum) og ljúka sveinsprófi. Vinnustaðanám er þó ekki hluti af námi á málm- og véltæknibraut til stúdentsprófs. |
Námsmat | Kennari ber ábyrgð á framkvæmd námsmats í þeim áföngum sem hann kennir. Almennt eru kennarar hvattir til að beita fjölbreyttum námsmatsaðferðum sem taka til ólíkra hæfniþátta hjá nemendum. Námsmati er ætlað að veita kennara haldgóða mynd af hæfni nemanda í ljósi hæfniviðmiða einstakra námsáfanga auk upplýsinga um framkvæmd kennslunnar og árangur þeirra aðferða sem beitt er. Tilgangur þess er ekki síður að veita nemandanum endurgjöf og leiðbeina honum á leið sinni í gegnum námið í viðkomandi áfanga. Því er um leiðsagnarmat (e. formative assessment) að ræða í öllum áföngum. Sem dæmi um námsmatsaðferðir má nefna verkefnavinnu, skrifleg, munnleg og verkleg próf, jafningjamat, sjálfsmat, ritgerðarsmíð og skýrslugerð. |
Starfsnám: | |
Reglur um námsframvindu: | Til þess að standast námsáfanga þurfa nemendur að ná einkunninni 5,0 eða S (staðið). Nemandi í fullu námi skal ljúka að lágmarki 15 einingum á önn. Skólameistari getur heimilað undantekningu frá þessari reglu vegna skilgreindra námsörðugleika, veikinda og annarra óviðráðanlegra aðstæðna. |
Hæfniviðmið: |
Að loknu námi skal nemandi hafa hæfni til að ...
|
Einingafjöldi Fjöldi framhaldsskólaeininga sem þarf til að útskrifast af brautinni
200 fein. |
Kjarni Skylduáfangar brautarinnar
Hlutfall eininga á þrepum í kjarna
Þrep 1
Þrep 2
Þrep 3
Þrep 4
Bundið pakkaval
Fjöldi pakka sem nemendur velja: | 1 af 4 |
Frjálst Val Aðrir óskilgreindir áfangar sem nemendur geta valið/metið á námsbrautinni
Lýsing: | Nemendur velja 5 einingar í frjálsu vali. |