Á náttúrufræðibraut er lögð áhersla á góðan skilning á náttúrufræðilegum hugtökum, vísindalegum vinnubrögðum og hugsunarhætti sem nýtist í daglegu lífi.

Á náttúrufræðibraut er sérstök áhersla lögð á að nemendur þjálfist í vinnubrögðum sem nýtast þeim í áframhaldandi námi á háskólastigi, einkum á sviði náttúruvísinda.

Námið er verkefnabundið. Lögð er áhersla á skapandi greinar, náttúrulæsi og umhverfisvitund nemenda. Á náttúrufræðibrautinni fá nemendur tækifæri til að fást við viðfangsefni sem auka hæfni þeirra að þessu leyti. Mikil áhersla er lögð á að nemendur þjálfist í vönduðum og heiðarlegum vinnubrögðum, styrki og efli þekkingu og hæfni sína til að skilja hvernig maðurinn er hluti af umhverfi sínu og læri að umgangast náttúruna af ábyrgð og virðingu í anda sjálfbærar þróunar og að nemendur geri sér grein fyrir því að vísindi og tækni eru mannanna verk, hugmyndir í stöðugri þróun og mikilvægi þess að allir skilji að þeir geti haft áhrif.

Nám til stúdentsprófs á náttúrufræðibrautinni er 206 feiningar. Námið er skipulagt þannig að það veiti sem bestan undirbúning undir frekara nám á háskólastigi. Nemendur velja sér sérhæfða námslínu innan brautar og eina sérhæfingu til viðbótar óháða braut. Áhersla er lögð á verkefnabundið nám með fjölbreyttum kennsluaðferðum og námsmati. Áhersla er á umhverfismál og skapandi námsgreinar. Allir bóklegir og listaáfangar eru 5 feiningar.

Í almennum kjarna þarf að ljúka: Listgrein (5. fein á 1. þrepi), danska (5. fein á 2. þrepi), umhverfisfræði (5. fein á 2. þrepi), saga (5. fein á 2. þrepi), félagsfræði (5. fein á 2. þrepi), lýðræðisvitund og siðferði (5. fein á 1. þrepi), stærðfræði (10 fein á 2. þrepi), enska (5 fein á 2. þrepi og 10 fein á 3. þrepi), íslenska (10 fein á 2. þrepi og 5 fein á 3. þrepi).

Í brautarkjarna þarf að ljúka: Jarðfræði (5. fein á 2. þrepi), líffræði (5. fein á 2. þrepi), eðlisfræði (5. fein á 1. þrepi), efnafræði (5. fein á 2. þrepi), stærðfræði (5 fein á 2. þrepi og 10 fein á 3. þrepi), þriðja mál (10 fein á 1. þrepi og 5 fein á 2. þrepi), íslenska (5 fein á 3. þrepi).

Sérhæfing brautar skiptist í þrennt: Námslínu (35 fein), önnur sérhæfing (15 fein) og bundið val (10 fein).
Námslínur eru; líffræði og efnafræðilína (10 fein á 2. þrepi og 10 fein á 3. þrepi í líffræði og 5 fein á 2. þrepi og 10 fein á 3. þrepi í efnafræði) og eðlisfræði og stærðfræðilína (10 fein á 2. þrepi og 10 fein á 3. þrepi í eðlisfræði og 15 fein á 3. þrepi í stærðfræði).
Önnur sérhæfing er samkvæmt nánari ákvörðun skóla og er óháð braut (15 fein þar af a.m.k. 5 fein á 2. þrepi).
Bundið val samkvæmt nánari ákvörðun skóla (10 fein).

Nemendur þurfa að ljúka 6 fein í íþróttum.

Nemandi sem ætlar sér að ljúka námi til stúdentsprófs á þremur námsárum þarf að ljúka 206 feiningum á námstímanum. Nemandi þarf að ljúka á þessum tíma 40 áföngum í bók- og listgreinum auk 6 feininga í íþróttum.

Nemandi þarf að ljúka að lágmarki 10 feiningum á önn (í þriggja anna kerfi skólans) en þó ekki færri en 40 feiningum á skólaárinu. Ef nemandi lýkur færri feiningum þarf hann að sækja sérstaklega um að halda áfram námi við skólann.

Að loknu námi skal nemandi hafa hæfni til að ...

• lesa, rita, skilja og tjá sig á viðeigandi máta á íslensku og erlendum málum
• meta heimildir á sviði náttúrufræðigreina á gagnrýninn hátt
• nýta sér almenna og sértæka þekkingu og færni á sviði náttúrufræðigreina og stærðfræði
• nýta sér upplýsinga- og samskiptatækni
• hugsa og starfa á gagnrýninn og skapandi hátt
• sýna sjálfstæði og taka ábyrgð á eigin námi
• nýta styrkleika sína og seiglu til að takast á við líf og starf
• eiga málefnaleg samskipti í ræðu og riti
• sýna heiðarleika, virðingu og ábyrgð í samskiptum
• tileinka sér heilbrigðar lífsvenjur
• virða umhverfið og meta sjálfbærni
• virða jafnrétti og fjölbreytileika lífs
• takast á við frekara nám á sviði náttúruvísinda, heilbrigðisvísinda og verkfræði