- Nemendur eru þjálfaðir í læsi í víðum skilningi í öllum áföngum náms þeirra. Í lifsleikni og íslensku er tjáning sérstaklega þjálfuð, fjármálalæsi í stærð- og tölfræði. Í félagsgreinum er áfram unnið með tölfærðigögn og greiningar á þeim. Unnið er með menningarlæsi í samfélagsgreinum. Boðið er upp á lokaverkefni á flestum námslínum á lokaönn náms til stúdentsprófs. Það gerir kröfur um víðtækt læsi og túlkun gagna, tölfræðiúrvinnslu og meðför gagna á gagnrýninn hátt. Þar er krafa gerð um að nemendur nýti og sýni fram á þekkingu og skilning á ólíkum viðfangsefnum á vísindalegan hátt.
|
- Markvisst er unnið að því að styrkja sjálfstæð vinnubrögð nemenda, þeir þjálfast í gagnrýninni hugsun, mati á eigin færni í námi sínu og jafningjamati í lok verkefnavinnu í hópum. Heildstætt er unnið með og nemendur þjálfaðir í að nýta áunna þekkingu í námi sínu við lausn flókinna viðfangsefna. Sjálfstæð vinnubrögð eru þjálfuð í flestum námsgreinum og nemendur byggðir upp til aukinnar hæfni við úrvinnslu verkefna og kynningar á þeim. Íslenska er viðmikil grein í öllu námi nemenda og þar öðlast þeir færni til tjáningar í ræðu og riti. Þar er meðför heimilda og gagna einnig þjálfuð og sú færni síðan yfirfærð í aðrar námsgreinar. Lokaverkefnið er síðan samlegð þeirra færni sem nemandinn hefur öðlast í námi sínu þar sem hann sýnir fram á heildstæða færni á tjáningu, ritun, meðför upplýsinga og úrvinnslu gagna.
|
- Í öllum námsgreinum er skapandi hugsun örvuð og þjálfuð. Listgreinaáfangar eru margvíslegir og gefur uppbygging námsframboðs skólans öllum nemendum tækifæri á að velja slíka áfanga. Þá er mikilvægt að þjálfa nemendur í að hugsa vítt og opið. Með fjölbreyttri kennslu þjálfast nemendur einnig í að nálgast viðfangsefni námsins á fjölbreyttan og skapandi hátt. Nemendur fá tækifæri til að þjálfa félagslega færni með þátttöku í félagslífi skólans sem er mjög fjölbreytt og þar ættu allir að finna afþreygingu við hæfi, bæði sem þátttakendur og skipuleggjendur.
|
- Í skólastarfinu er lögð áhersla á þjálfun nemenda til sjálfbærrar hugsunar og vitundar um umhverfismál. Gerð er krafa um að nemendur gangi vel um skólahúsnæðið og grófflokki úrgang. Aðstaða til hreyfingar og hjólageymslur eru til staðar við skólann og nemendur hvattir til vitundar á sjálfbærum ferðamátum og lífstíl. Í lífsleikni sem er kjarnagrein eru verkefni um sjálfbærni og umhverismál, nemendur eru látnir meta eigin lífstíl m.t.t. sjálfbærni. Boðið er uppá umhverfisáfanga þar sem kafað er vísindalega ofan í sjálfbærni og þróun lífsins á jörðinni og lögð fyrir verkefni til aukinnar þekkingar og hæfni í að lifa í sátt við umhverfið.
|
- Á öllum námsbrautum er gerð krafa um erlend tungumál, breytilegt eftir brautum. Enskan er víðtækust og gerð mikil krafa um færni í ensku. Nemendur á stúdentsbrautum eru hvattir til að velja meiri ensku en krafa er gerð um til að búa sig sem best undir nám í háskóla. Lögð er áhersla á ritun, orðaforða, þjálfun í tjáningu og færni til að vinna með enska texta. Þegar líður á námið er námsefni sumra námsgreina á ensku. Með vaxandi notkun rafrænna námsgagna eykst krafa um tungumálaþekkingu nemenda. Þekking í dönsku er krafa á öllum brautum og byggt er ofan á það nám sem þegar hefur átt sér stað í grunnskólum. Orðaforði er aukinn, þjálfun í talmáli og hlustun efld og myndefni á internetinu nýtt. Námsefnið er fjölbreytt og þjálfar hæfni í tungumálinu víðtækt. Þriðju tungumál, spænska, þýska og franska eru valkvæðar námsgreinar á bóknáms stúdentsbraut. Kennslan fer fram á fyrsta þrepi og er lögð áhersla á grunnþekkingu í tungumálunum, þjálfun talmáls, orðaforða, ritun, hlustun og vinnu með tungumálið í víðum skilningi. Í efri áföngum er í sumum tilfellum um samskipti við erlenda nemendur að ræða.
|
- Með þátttöku í verkefni Landlæknisembættisins, Heilsueflandi framhaldsskóli, er unnið með alla grunnþætti heilbrigðis, næringu, hreyfingu, geðheilbrigði og lífstíl. Forvarnarteymi skólans annast umsýslu og verkefnanálgun á hverjum tíma. Íþróttaákademíur, afreksíþróttabraut, almennir íþróttaáfangar snúast allir um heilbrigði. Hvatt er til sjálfsbærra samgöngmáta bæði meðal nemenda og starfsmanna, heilsusamlegs mataræðis sem skólinn annast umsýslu á og í mörgum áföngum er heilbrigði tekið fyrir. Forvarnarstefna skólans stuðlar að heilbrigði í þeirri nálgun sem snýr að félagslífi og lífstíl nemenda. Landslög eru skýr varðandi notkun tóbaks og annara vímuefna sem eru bönnuð í tengslum við skólahaldið sem og í og á lóð skólans.
|
- Skólinn leggur mikla áherslu á sjálfstæð vinnubrögð nemenda, þar reynir á alla þætti læsis, tjáningar og samskipta. Námsskipulagið gerir kröfur um samskipti og samskiptahæfni nemenda í fjölbreyttri verkefnavinnu sem og tjáningu í rituðu og töluðu máli við kynningar niðurstaðna, verkefnaskil á rafrænu og skriflegu formi. Krafa er gerð um að nemendur geti svarað spurningum á málefnalegan hátt, rökstutt skoðanir sínar og niðurstöður í samskiptum við samnemendur, kennara og í sumum tilfellum við aðila utan skólans. Nemendur taka þátt í ræðukeppnum, spurningakeppnum og ýmsu félagsstarfi þar sem krafa er um góðan skilning og hæfileika til tjáningar á íslenskri tungu. Sú nýlunda er í námsvali nemenda í íslensku, að boðið verður upp á áfanga í uppistandi þar sem hafileikinn til læsis og tjáningu eru þjálfaðir sérstaklega.
|
- Í skólanum er stuðlað að því að gera nemendur að virkum og ábyrgum þátttakendum í lýðræðissamfélagi. Það er gert með því að leita eftir viðhorfum þeirra til margvíslegra málefna með að markmiði að bæta skólastarfið. Skólinn vinnur með matsaðilum í úttektum á völdum þáttum skólastarfssins, SFR, Skólapúlsi, R&G- ungt fólk, og minni könnunum í ólíkum áföngum og deildum. Þar eru lagðar fyrir viðhorfskannanir um afmarkaða þætti sem snerta lífsstíl, viðhorf og venjur nemenda. Niðurstöðurnar eru síðan nýttar til þess að bæta það sem betur má fara. Reglulega eru kennslukannanir lagðar fyrir nemendur þar sem þeir láta í ljós álit sitt á skipulagi og innihaldi áfanga, námsefni og kennsluháttum. Nemendur eiga fulltrúa bæði í skólaráði, forvarnarteymi og skólanefnd ásamt því að vera í góðu samtali við foreldraráð. Þannig leggja þau sitt af mörkum við stjórnun skólans.
|
- Forvarnarteymi skólans stýrir jafnréttismálum með sívökulli vöktun sinni á framkvæmd og viðhaldi jafnréttisstefnu skólans. Kenndur er mannréttinda og jafnréttisáfangi reglulega á félagsfræðalínu. Jafnréttis er gætt með því að allir starfsmenn eru meðvitaðir um mikilvægi að fylgjast vel með stöðu kynjanna í allri starfssemi skólans. Kennarar eru þar lykilfólkið í að gæta af jafnri meðför nemenda í kennslustundum og allri starfssemi skólans með tilliti til kyns nemenda. Þá er stuðlað að vitund meðal forkólfa nemendafélagsins um jafnan rétt og tækifæri kynja á þátttöku í viðburðum og hvatt til að bæði kyn sitji í stjórnum og ráðum í þágu nemenda. Með vökulli vöktun á skemmtunum nemenda er gætt að jafnrétti og jafnræði nemenda eins og kostur er. Einelti er reglulega tekið fyrir meðal nemenda og er ekki liðið í tengslum við starfssemi skólans.
|