Námsbraut
| Titill brautar: | Námsleið: | Námslok: |
| Fjölnámsbraut (Staðfestingarnúmer 488) 21-488-1-12 | starfsbraut | hæfniþrep 1 |
| Lýsing: | Fjölnámsbraut er fyrir nemendur sem notið hafa verulegrar sérkennslu í grunnskóla og þurfa einstaklingsmiðað nám. Markmið brautarinnar er að auka sjálfstæði, ábyrgð og frumkvæði nemenda og að veita þeim tækifæri til þess að takast á við verkefni í samræmi við eigin færni og hæfileika. Ennfremur að undirbúa nemendur fyrir þátttöku í atvinnulífinu og/eða áframhaldandi nám. Unnið er út frá styrkleikum hvers og eins með áherslu á að efla sjálfsmynd þeirra. Þar sem nemendur eru mjög ólíkir, hafa mismikla námsgetu og félagsfærni, þurfa þeir breytilegar kennsluaðferðir og fjölbreytt námsefni. Námið er á fyrsta þrepi og byggir á almennri og hagnýtri þekkingu sem miðast við stöðu hvers og eins. Þeir nemendur sem hafa getu eða hæfni og treysta sér eru hvattir til að stunda nám utan brautarinnar í einstaka greinum á öðrum þrepum. Nám á fjölnámsbraut er fjögur ár og er á 1. þrepi og útskrifast nemendur með framhaldsskólapróf af fjölnámsbraut. Að námi loknu eiga nemendur að hafa fengið almennan undirbúning fyrir lífið og í grunnþáttum menntunar. |
Grunnupplýsingar Meginatriði brautarlýsingar
| Inntökuskilyrði: | Nemendur þurfa að hafa greiningu frá viðurkenndum greiningaraðila, hafa notið mikillar sérkennslu í grunnskóla og þurfa einstaklingsmiðað nám. Viðurkennd greiningargögn um fötlun skv. lögum um málefni fatlaðra nr. 59/1992. |
| Skipulag: | Námstíminn miðast við fjögur ár eða átta annir og fylgir skóladagatali skólans. Náminu er skipt í kjarnagreinar, verk- og listgreinar ásamt valáföngum. Allan námstímann fléttast þessar greinar saman og námið á brautinni er blanda af bóklegu námi og verk- og listgreinum. Áhersla er á að styrkja náms-, starfs- og félagslega stöðu nemenda ásamt samskiptahæfni og sjálfstrausti. Einnig er áhersla lögð á líkamsrækt þar sem nemendur eru tvisvar í viku í íþróttatímum og að auki eiga þeir kost á að bæta við sig valtímum í almennu námi ef áhugi er fyrir hendi. Þá taka nemendur þátt í skipulögðum leikhúsferðum sem farnar eru utan hefðbundins skólatíma. Nemendur sem áhuga hafa eru hvattir til að undirbúa sig fyrir ökupróf og geta þeir tekið fyrsta og annan hluta námsins í skólanum, í samvinnu við viðurkenndan ökuskóla undir stjórn kennara. Þær verk- og listgreinar sem boðið er upp á eru sambærilegar námsgreinar og þær sem almennt eru í boði í skólanum. Valáfangar taka mið af áhugasviði og þörfum nemenda og eru því ákvarðaðir eftir samsetningu nemendahópsins hverju sinni og framboði kennara. Til að auka fjölbreytnina á áfangaframboðinu enn frekar, koma gestakennarar í heimsókn og vinna með ýmis verkefni í fyrirfram ákveðnar margar kennslustundir. Fjöldi nemenda á brautinni miðast við 15 og tveir umsjónarkennarar deila með sér umsjón nemenda. Lögð er áhersla á góða samvinnu við nemendur og forráðamenn og skilvirka miðlun upplýsinga til og frá skóla. Grunngreinar á 1. þrepi eru kenndar í heimastofu en aðrar greinar í öðrum stofum skólans. Allir nemendur á árunum fjórum eru saman í kennslustundum, stundum öll, stundum helmingur, stundum færri og er kennslan ýmist í formi samkennslu eða skiptitíma. Kennsluhættir eru fjölbreyttir og einstaklingsmiðaðir. |
| Námsmat | Námsmat er í formi símats sem fer fram jafnt og þétt yfir námstímann, ástundun í kennslustundum og mætingu ásamt prófverkefnum á prófatíma. Kennarar veita reglulega endurgjöf á vinnuframlagi nemenda og verkefnaskil. Tvisvar á ári, í maí og í desember fá nemendur og forráðamenn þeirra upplýsingar um stöðuna í náminu, með yfirliti yfir verkefni og námsárangur vetrarins. |
| Starfsnám: | |
| Reglur um námsframvindu: | Námi á fjölnámsbraut lýkur með brautskráningu eftir fjögur ár. Þó er mögulegt að ljúka námi fyrr ef þess er óskað. Brautskráning er óháð fjölda áfanga eða eininga sem nemandi hefur lokið. Þar sem námið er einstaklingsmiðað geta áherslur og þátttaka í áföngum verið mismunandi meðan á náminu stendur. |
| Hæfniviðmið: |
Að loknu námi skal nemandi hafa hæfni til að ...
|
Einingafjöldi Fjöldi framhaldsskólaeininga sem þarf til að útskrifast af brautinni
| 200 fein. |
Kjarni Skylduáfangar brautarinnar
Hlutfall eininga á þrepum í kjarna
Þrep 1
Þrep 2
Þrep 3
Þrep 4
Bundið áfangaval
| Fjöldi eininga (framhaldsskólaeininga) sem nemendur þurfa að velja: " | 35 af 52 |
Frjálst Val Aðrir óskilgreindir áfangar sem nemendur geta valið/metið á námsbrautinni
| Lýsing: | Í bundnu áfangavali eru þeir valáfangar sem eru í boði á fjölnámsbraut. Nemendur velja valáfanga brautarinnar og annað námsframboð skólans eftir því sem við á. Fjöldi áfanga og einingafjöldi sem nemendur velja er einstaklingsbundinn. |