Námsbraut

Titill brautar: Námsleið: Námslok:
Alþjóðabraut (Staðfestingarnúmer 74) 15-74-3-6 stúdent hæfniþrep 3
Lýsing: Markmið aðlþjóðabrautar er að nemendur nái tilskilinni færni í íslensku og þeim erlendu tungumálum sem þeir leggja stund á, séu læsir á menningu og siði viðkomandi málsamfélaga og hafi þekkingu á sögu þeirra og bókmenntum. Markmiðið er einnig að nemendur öðlist góða almenna þekkingu á sviði hugvísinda, séu færir um að beita fræðilegri hugsun og aðferðum við greiningu viðfangsefna, öflun upplýsinga, mat, úrvinnslu og túlkun. Nemendur eiga að geta tjáð sig í ræðu og riti, tekið þátt í rökræðum og búa yfir færni í samskiptum og samvinnu. Enn fremur eiga þeir að geta greint atburði nútíðar og fortíðar í menningarlegu og sögulegu samhengi, búa yfir þekkingu á umhverfi sinu, landi og þjóð og geta miðlað henni. Alþjóðabraut lýkur með stúdentsprófi sem veitir réttindi til háskólanáms. Brautin býr nemendur undir frekara nám, einkum á sviði tungumála, menningar, viðskipta og alþjóðasamskipta.

Grunnupplýsingar Meginatriði brautarlýsingar

Inntökuskilyrði: Ekki er um eiginleg inntökuskilyrði að ræða á brautina. Nemendur raðast í kjarnagreinum eftir skólaeinkunn. Þessar kjarnagreinar eru danska, enska, íslenska og stærðfræði. Til að fara í framhaldsskólaáfanga í þessum kjarnagreinum þarf skólaeinkunnina sjö (7) eða B. Bókstafseinkunnin er háð endanlegri útfærslu grunnskólans á bókstafskerfinu.
Skipulag: Námið á alþjóðabraut er fyrst og fremst bóklegt ásamt íþróttum. Kennsluaðferðir eru fjölbreyttar, t.d. fyrirlestrar, samvinnunám, leitarnám, verkefnamiðað nám, ritun og tjáning. Stór hluti af náminu fer fram í verkefnastofum þar sem áherslan er á samvinnunám og sjálfstæð vinnubrögð nemenda um leið og nemandinn er þjálfaður í notkun nýjustu upplýsingatækni.
Námsmat Námsmat er fjölbreytt og felst meðal annars í ritgerðum og ýmsum verkefnum, prófum, jafningjamati og sjálfsmati.
Starfsnám:
Reglur um námsframvindu: Nemandi þarf að ljúka 202 einingum til að ljúka stúdentsprófi. Námstíminn er að meðaltali 6-7 annir. Lágmarkseinkunn er 5,0 í öllum áföngum.
Hæfniviðmið:

Að loknu námi skal nemandi hafa hæfni til að ...

  • sýna almenna þekkingu á sviði hugvísinda.
  • beita tilskilinni færni í íslensku og þeim erlendu tungumálum sem hann hefur lagt stund á og geti tjáð sig í ræðu og riti, tekið þátt í rökræðum og öðlast færni í samskiptum og samvinnu.
  • vera læs á menningu og siði viðkomandi málsamfélaga og hafa þekkingu á sögu þeirra og bókmenntum.
  • greina atburði nútíðar og fortíðar í menningarlegu og sögulegu samhengi.
  • nýta sér þekkingu á umhverfi sínu, landi og þjóð og geta miðlað henni.
  • beita fræðilegri hugsun og aðferðum við greiningu viðfangsefna, öflun upplýsinga, mat, úrvinnslu og túlkun.
  • stunda frekara nám í hugvísindum, einkum á sviði tungumála, menningar, viðskipta og alþjóðasamskipta.

Einingafjöldi Fjöldi framhaldsskólaeininga sem þarf til að útskrifast af brautinni

202  fein.

Kjarni Skylduáfangar brautarinnar


Kjarni brautar
Námsgrein
Þrep 1
Þrep 2
Þrep 3
Þrep 4
fein.
Hlutfall eininga á þrepum í kjarna
Þrep 1
Þrep 2
Þrep 3
Þrep 4
 
 
 
 

Bundið pakkaval

Alþjóðasamskiptasvið
Námsgrein
Þrep 1
Þrep 2
Þrep 3
Þrep 4
fein.
Menningarsvið
Námsgrein
Þrep 1
Þrep 2
Þrep 3
Þrep 4
fein.
Viðskiptasvið
Námsgrein
Þrep 1
Þrep 2
Þrep 3
Þrep 4
fein.
Fjöldi pakka sem nemendur velja: 1 af 3

Bundið pakkaval

Þriðja mál þýska
Námsgrein
Þrep 1
Þrep 2
Þrep 3
Þrep 4
fein.
Þriðja mál spænska
Námsgrein
Þrep 1
Þrep 2
Þrep 3
Þrep 4
fein.
Þriðja mál franska
Námsgrein
Þrep 1
Þrep 2
Þrep 3
Þrep 4
fein.
Fjöldi pakka sem nemendur velja: 1 af 3

Bundið pakkaval

Fjórða mál þýska
Námsgrein
Þrep 1
Þrep 2
Þrep 3
Þrep 4
fein.
Fjórða mál spænska
Námsgrein
Þrep 1
Þrep 2
Þrep 3
Þrep 4
fein.
Fjórða mál franska
Námsgrein
Þrep 1
Þrep 2
Þrep 3
Þrep 4
fein.
Fjöldi pakka sem nemendur velja: 1 af 3

Bundið áfangaval

6 af 18
Námsgrein
Þrep 1
Þrep 2
Þrep 3
Þrep 4
fein.
Fjöldi eininga (framhaldsskólaeininga) sem nemendur þurfa að velja: " 6 af 18

Bundið áfangaval

10 af 15
Námsgrein
Þrep 1
Þrep 2
Þrep 3
Þrep 4
fein.
Fjöldi eininga (framhaldsskólaeininga) sem nemendur þurfa að velja: " 10 af 15

Frjálst Val Aðrir óskilgreindir áfangar sem nemendur geta valið/metið á námsbrautinni

Lýsing: Frjálst val 50 einingar þar af þurfa 25 einingar að vera í tungumálum, samfélagsgreinum, listgreinum eða viðskiptagreinum. Nemandi þarf að gæta þess að uppfylla reglur um skiptingu náms á hæfniþrep.

Grunnþættir og lykilhæfni Hvernig unnið er með grunnþætti og lykilhæfni

Læsi, tjáning og samskipti um tölur og upplýsingar:
  • Sérstakur áfangi í fjármálalæsi er á öllum brautum skólans þar sem meðferð tölulegra upplýsinga er þjálfuð.
  • Ýmsir áfangar í stærðfræði, félagsvísindum og raungreinum fjalla um, túlka og nýta tölulegar upplýsingar.
  • Allir nemendur skólans taka námsáfanga þar sem mikið er lagt upp úr læsi og meðferð talna.
  • Nemendur eru markvisst þjálfaðir í notkun upplýsingatækni. Þeir safna saman tölfræðilegum upplýsingum, læra að lesa úr þeim og setja niðurstöðurnar fram á aðgengilegan máta.
Námshæfni:
  • Í skólanum er markvisst unnið að því að efla sjálfstæði nemenda í vinnubrögðum. Kennslu- og námsaðferðir eru fjölbreyttar og reyna á ýmsa hæfni. Nemendur læra að meta eigin vinnubrögð og eru þjálfaðir í námstækni ólíkra námsgreina.
  • Allir nemendur skólans hefja nám sitt í skólanum með því að taka áfanga í lífsleikni þar sem námstækni er sérstaklega kennd og þjálfuð. Þeir þjálfast í að meta eigin styrkleika og veikleika og hvernig ná má árangri með því að nýta sér þá.
Skapandi hugsun og hagnýting þekkingar:
  • Fjölbreytt námsmat og fjölbreyttar kennsluaðferðir hvetja nemendur til sköpunar og frumlegrar hugsunar. Kennarar eru sérstaklega hvattir til að beita fjölbreyttum kennsluaðferðum og margs konar námsmati í þeim tilgangi að ýta undir sköpun nemenda.
  • Verkefnamiðað nám færist sífellt í vöxt þar sem nemendur eru hvattir til að þróa sínar eigin leiðir til að leysa margvísleg verkefni.
  • Félagslíf nemenda sem byggist á heilbrigðri skemmtun, þjálfun í skapandi hugsun og frumlegum lausnum hefur verið einkennandi fyrir skólann. Í skólanum er starfrækt öflugt leikfélag sem setur upp metnaðarfullar sýningar þar sem byggt er á því að allir nemendur sem þess óska geta tekið þátt.
  • Nemendur skólans eiga þess kost að velja fjölbreytta námsáfanga í listum þar sem megináhersla er á sköpun og frumlega hugsun. Þetta er eitt af aðalsmerkjum skólans.
  • Nemendahópur skólans er fjölbreytt flóra með ólíka hæfileika. Þessi samsetning hópsins leiðir fram skapandi kraft, frumleika og fjölbreytileika.
Menntun til sjálfbærni:
  • Í skólanum er kenndur áfangi í umhverfisfræði þar sem áherslan er á sjálfbærni og sjálfbæra hugsun. Helstu lögmál vistkerfa eru kynnt og staða manns í vistkerfi jarðar skoðuð í samhengi. Helstu umhverfisvandamál sem ógna framtíð mannkyns eru til umfjöllunar. Í verkefnum er haft að leiðarljósi að auka skilning á sameiginlegri ábyrgð manna á framtíð mannkyns á jörðinni.
  • Þessari umhverfisstefnu er fylgt eftir með því að allt sorp skólans er flokkað. Þannig er unnið að því að nemendur verði virkir og ábyrgir borgarar bæði gagnvart samfélaginu og umhverfi sínu.
Læsi, tjáning og samskipti á erlendum tungumálum:
  • Í skólanum eru kennd erlendu tungumálin enska, danska, franska, spænska og þýska. Nemendur eru í öllum áföngum þjálfaðir í notkun tungumálsins, jafnt í einstaklingsverkefnum sem og í samskiptum við aðra nemendur. Sérstaða enskunnar er sú að allmargar námsbækur og heimildir í öðrum námsáföngum eru á enskri tungu.
  • Í tungumálanáminu ásamt námi í sögu og félagsvísindum læra nemendur um erlend samfélög í fortíð og nútíð. Heimsóknir til erlendra menningarsvæða er liður í námi nemenda og nemendur eru hvattir til að taka þátt í slíkum nemendaferðum. Skólinn á einnig í samskiptum við erlenda skóla, bæði með því að taka á móti nemendum og að heimsækja nemendur erlendis, og nýtur til þessara verkefna styrkja á borð við Comenius og NordPlus.
Heilbrigði:
  • Skólinn leggur sérstaka áherslu á heilbrigðan lífsstíl m.a. í tengslum við heilsueflandi skóla. Allir nemendur skólans taka á fyrstu önn sérstakan áfanga í lýðheilsu og geta nemendur valið sér fjölbreytta áfanga í íþróttum. Í íþróttum er unnið að því að nemendur upplifi hreyfingu sem líkamlegan og andlegan styrk til að takast á við áskoranir dagslegs lífs og auki þar með lífsgæði sín. Sérstakt markmið er að nemendur geri hreyfingu að lífsstíl.
  • Í félagsvísindum er fjallað sérstaklega um geðrænt og félagslegt heilbrigði. Í líffræði er fjallað um grunnþarfir lífvera og komið inn á tengsl milli heilbrigðis og lífhátta, þar á meðal næringar. Fjallað er um lífverur sem valda smitsjúkdómum og gildi hreinlætis. Heilbrigð sál í hraustum líkama er lykillinn að innihaldsríku og góðu lífi.
  • Rík hefð er fyrir ýmiss konar íþróttamótum, bæði innan skólans og í samvinnu við aðra skóla. Skólinn er í nánu samstarfi við íþróttafélag bæjarins með því markmiði að heilbrigður lífsstíll sé eftirsóknarverður og æskilegur í nútímasamfélagi.
  • Forvarnastarf skólans er öflugt, sérstakur forvarnafulltrúi starfar við skólann í náinni samvinnu við stjórn nemendafélagsins og félagsráðunaut. Eitt öflugasta forvarnaverkefni skólans er uppsetning söngleikja þar sem meginmarkmiðið er að allir nemendur fái tækifæri til að taka þátt og öðlist félagslegan þroska með því að takast sameiginlega á við stórt og viðamikið verkefni sem krefst þess að allir þátttakendur séu jafnir.
Læsi, tjáning og samskipti á íslensku:
  • Skólinn leggur sérstaka áherslu á að skapandi ritun og heimildaritun séu kenndar og þjálfaðar í flestum áföngum. Sérstök áhersla er lögð á tjáningu og flutning verkefna. Í íslenskuáföngum er lögð áhersla á lestur íslenskra bókmennta þar sem íslenskt samfélag er krufið til mergjar. Mikilvægi varðveislu menningararfsins er áréttað.
  • Í félagsvísindum er sérstaklega fjallað um íslenskt samfélag, sérkenni þess og stjórnarfar.
Lýðræði og mannréttindi:
  • Lýðræði og mannréttindi eru grunnstoðir samfélagsins. Því hvetur skólinn nemendur til gagnrýnnar hugsunar. Í samfélagsfræðiáföngum er saga lýðræðis og mannréttinda kennd og skoðuð í ljósi heimsmála. Nemendur eru þjálfaðir í lýðræðislegum vinnubrögðum og samvinnu, þeir eru þjálfaðir í að tjá eigin skoðanir, færa rök fyrir máli sínu og hlusta á rök annarra.
  • Í skólanum er öflugt nemendafélag sem kemur að mörgum ákvörðunum í málefnum skólans. Má þar nefna að fulltrúar nemenda sitja í skólaráði og skólanefnd og leggja þannig sitt af mörkum við stjórnun skólans. Leitað er til hins almenna nemanda í ýmsum málum, m.a. eru lagðar fyrir kennslukannanir á hverri önn þar sem nemendur geta tjáð sig um skólastarfið. Opnir fundir eru haldnir einu sinni á önn þar sem stjórnendur skólans og nemendafélagsins sitja fyrir svörum almennra nemenda.
Jafnrétti:
  • Jafnrétti er hluti af öllu því starfi sem fer fram í skólanum, jafnt í kennslu sem öðru starfi. Það endurspeglast í ólíkum verkefnum og samskiptum milli einstaklinga og hópa innan skólans. Sérstaklega er fjallað um jafnrétti í félagsvísindum og sögu.
  • Unnið er að jafnrétti með því að viðhafa fjölbreyttar kennsluaðferðir og fjölbreytt námsmat þar sem einstaklingurinn fær tækifæri til að njóta styrkleika sína. Jafnréttisáætlun skólans er á heimasíðu og sérstök jafnréttisnefnd er starfandi við skólann.