Námskrá

Titill:

Efling stafrænnar hæfni: grunnnám í forritun (Staðfestingarnúmer 512) 22-512-2-80

Lýsing:

Námskráin Efling stafrænnar hæfni: grunnnám í forritun lýsir námi á 2. þrepi hæfniramma um íslenska menntun. Námið skiptist í fjóra námsþætti og er ætlað að ná utan um grunnþætti forritunar í hönnun og forritun, rökhugsun, sköpun, þrautalausnir og kynna helstu forritunarmálin. Markmið námskrárinnnar er að efla skilning og hæfni einstaklinga á grunnþáttum forritunar, þekkingu á uppbyggingu forrita, notkun hugtaka forritunar og að tengja saman forritunartungumál og hugtök forritunar. Þátttkendur læra hvernig hægt er að koma hugmyndum sínum í framkvæmd með hugmyndafræði forritunar, lögð er áhersla á öguð og viðurkennd vinnubrögð við greiningu og hönnun tölvuforrita. Að loknu grunnnámi í forritun hafa einstaklingar fengið þjálfun í að búa til forrit, teymisvinnu, sjálfstæðum vinnubrögðum og greinandi hugsun í forritunarumhverfi.

Grunnupplýsingar

Inntökuskilyrði:	Engin formleg inntökuskilyrði eru í þetta nám.
Skipulag:	Námið er bæði bóklegt og verklegt. Námskrána á að vera hægt að laga að mismunandi forritunarkerfum í takt við framfarir í tækni og framboð kerfa. Lögð er áhersla á að leiðbeinendur noti fjölbreyttar kennsluaðferðir sem henta fullorðnum námsmönnum og að þeir hafi með sér samráð um samþættingu námsþátta og taki tillit til markmiða og reynslu námsmanna. Viðurkenndur fræðsluaðili ber ábyrgð á framkvæmd námsins og skipar verkefnastjóra sem hefur umsjón með náminu og framkvæmd þess.
Námsmat:	Námsárangur er metinn út frá þekkingar-, leikni- og hæfniviðmiðum námsins með fjölbreyttum matsaðferðum sem fræðsluaðili samþykkir og lýst er í kennsluáætlun. Áhersla er lögð á að leiðbeinandi og námsmenn fari sem oftast yfir það sem hefur áunnist. Námsmati er ætlað að nýtast sem staðfesting á námsárangri og jafnframt sem lærdómur, hvatning og endurgjöf á námstímanum.
Starfsnám:	Á ekki við.
Markhópar	einstaklingar með stutta skólagöngu að baki einstaklingar á vinnumarkaði með stutta formlega skólagöngu að baki einstaklingar sem vilja efla starfshæfni sína starfsmenn í atvinnulífi með þörf fyrir aukna þekkingu og hæfni, einstaklingar sem búa við skerta möguleika til náms eða atvinnuþátttöku einstaklingar með þörf fyrir að afla viðurkenningar á gildi náms sem fellur utan hins formlega framhaldsskóla- og háskólakerfis einstaklingar með nám og reynslu sem aflað hefur verið utan hins formlega skólakerfis
Hæfni-, þekkingar- og leikniviðmið	Námsmaður skal hafa öðlast þekkingu og skilning á undirstöðuatriðum og grunnhugtökum forritunar Námsmaður skal hafa öðlast þekkingu og skilning á uppbyggingu forrita og stýrikerfa Námsmaður skal hafa öðlast þekkingu og skilning á hugmyndafræði og aðferðafræði forritunar Námsmaður skal hafa öðlast leikni í að nota forritunartungumál og þá þætti sem það felur í sér Námsmaður skal hafa öðlast leikni í að nota forritunarmál á textaformi til að skrifa einföld forrit Námsmaður skal hafa öðlast leikni í að skapa einföld forrit á læsilegan og skiljanlegan hátt Námsmaður skal hafa öðlast leikni í að finna og laga villur í forritum á sjálfstæðan hátt Námsmaður skal hafa öðlast leikni í að nota forritunarlega hugsun, aðferðafræði og hugmyndafræði forritunar við lausnir vandamála í forritunarumhverfi Námsmaður skal geta nýtt þá almennu þekkingu og leikni sem hann hefur aflað sér til að skrifa forrit út frá rökfræði forritunar og skriflegu forritunarmáli Námsmaður skal geta nýtt þá almennu þekkingu og leikni sem hann hefur aflað sér til að framkvæma eigin hugmyndir á skipulegan máta í forritunarumhverfi Námsmaður skal geta nýtt þá almennu þekkingu og leikni sem hann hefur aflað sér til að vinna skipulega í teymi og deila verkefnum á hagkvæman hátt við lausn vandamála

Nemendastundir Fjöldi klukkustunda til að ljúka námskrá

80  klst.

Kjarni Námsþættir í námskrá

Námsþættir

F-GRNN1GF_120   Grunnnám í forritun F-GRNN2FH_210   Grunnnám í forritun F-GRNN2FK_130   Grunnnám í forritun F-GRNN2HF_420   Grunnnám í forritun

Frjálst Val Aðrir óskilgreindir námsþættir sem hægt er að velja/meta í námskránni

Nei, frjálst val er ekki leyft