Námskrá
| Titill: | Smiðja 2 - 1 (Staðfestingarnúmer 556) 23-556-2-160 |
| Lýsing: | Námskráin Smiðja 2 – 1, lýsir námi á 2. þrepi hæfniramma um íslenska menntun og er gerð til að taka á fjölbreyttu verklegu og fagbóklegu námi með vinnustofum sem eru í beinum tengslum við námskrána. Megintilgangur með námi í Smiðju 2-1 er að nemar kynnist, þjálfist og nái að tileinka sér þekkingu og verklag í vinnuaðferðum þar sem reynir á verkkunnáttu, samhæfingu huga og handa. Í því felst m.a. að nemar fái ítarlegar munnlegar og sjónrænar leiðbeiningar í smiðjunni. Ennfremur að stuðla að jákvæðu viðhorfi til náms og auðvelda nemum að takast á við ný verkefni og/eða áframhaldandi nám. Markmið námsins er að nemar byggi upp og efli verklega hæfni, m.a. með hagnýtum viðfangsefnum eins og við á. Viðfangsefni byggja á áherslu hverrar vinnustofu, s.s. áherslu á hönnun og skapandi hugsun hvar áherslan beinist að uppbyggingu og eflingu sköpunar með hagnýtum viðfangsefnum. Með því eru huglæg ferli sköpunar styrkt. Áhersla er á öflun þekkingar, þjálfun í leikni við hefðbundnar aðstæður sem styrkja og auka hæfni nema fyrir viðfangsefni í heild sinni. Í því felst að vinna og leysa verkefni sem er starf eða hluti starfs og tilheyrir fjölbreyttum atvinnuvettvangi, einkum list- og verkgreinum. Við námið (í smiðju) læra og þjálfast nemar við að vinna verk sín á vandaðan og hagkvæman hátt með öryggi sitt og annarra í huga. Samhliða þessum þáttum er almenna starfshæfnin og notkun hugtaka í tengslum við verkefni, verkfæri og efni sem við eiga hverju sinni. Jafnframt er markmið að nemar þjálfist í skipulagningu og undirbúningi verkefna, vinnu og verkskilum á verki/starfi eða hluta starfs. Áhersla er á að verkáætlanir nema standist og jafnframt að nemar tileinki sér hagkvæm og vönduð vinnubrögð með öryggi sitt og annarra í huga. Í Smiðju 2 – 1 er gert ráð fyrir að nemi vinni hvert viðfangsefni með tilsögn leiðbeinanda af eigin rammleik. Afurð getur verið ein eða fleiri allt eftir lýsingu vinnustofunnar. Námskráin er skrifuð sem snið fyrir fræðsluaðila til að útfæra lýsingar í verk- og/eða listgreinum (námslýsingar / lýsingar á vinnustofum / námskeiðum) og nýta til þess tengingu við formlega þætti námskrárinnar. Í því felst að - FA er ábyrgt fyrir því að lýsing á vinnustofu fyrir Smiðju uppfylli kröfur til námskrár FA. Fræðsluaðilar þurfa að fá lýsingar samþykktar hjá FA sem svo birtir þær á vef undir námskrá þeirrar smiðju sem við á. Fræðsluaðilar fá sniðmát FA til að útbúa lýsingu verkefnis fyrir námskrá. - Lýsing vinnustofunnar byggir á námskránni Smiðja 2 – 1 og er þannig merkt. - Heildar vinnuframlag nema samkvæmt námskránni er 160 klukkustundir. Með smiðju er fyrst og fremst leitast við að byggja upp og styrkja verklega hæfni í ýmsum störfum. Gert er ráð fyrir að lýsing viðfangsefnis henti staðbundinni þörf starfa og/eða í samstarfi milli símenntunarmiðstöðva. Nemar læra og þjálfast í að vinna verk á sem hagnýtastan hátt auk þess að leggja sig fram um að tímaáætlun standist. Smiðja 2-1, á 2. þrepi, er einkum ætluð fólki sem almennt hefur einhverja þjálfun við ýmis verk. Námið er 160 klukkustundir að lengd, 3 námsþættir og 8 einingar. Gert er ráð fyrir 74ra klukkustunda viðbótar vinnuframlagi nema innan heildarumfangs námskrárinnar, sjá yfirlitstöflu námskrár í pdf skjali á vef FA. Í sama skjali er einnig viðauki með tillögu að verkdagbók sem vísað er til í lýsingum námsþátta. Við lok námsins er mögulegt að óska eftir mati á náminu í framhaldsskóla, í heild eða að hluta. Slíkt mat getur verið breytilegt eftir námsbrautum og skólum en skólastjórnendur hvers skóla eru ábyrgir fyrir mati skólans á námi frá öðrum fræðslustofnunum. |
Grunnupplýsingar
| Inntökuskilyrði: | Fullorðið fólk, 18 ára eða eldra sem á stutta formlega skólagöngu að baki og býr yfir færni sem þarf til að takast á við alla hluta námsins. |
| Skipulag: | Námið er fyrst og fremst verklegt með nauðsynlegri innlögn og aðstoð frá leiðbeinanda. Stígandi er í sjálfstæði og ábyrgð nema auk þess sem sjálfstæði í vinnu að skilgreindum verkefnum vex jafnt og þétt eftir því sem líður á námstíma. Viðurkenndur fræðsluaðili ber ábyrgð á framkvæmd námsins og skipar verkefnastjóra sem hefur umsjón með námsleiðinni, nemendahópnum, leiðbeinendum og allri framkvæmd. Leiðbeinendur skila og kynna nemendum kennsluáætlun hvers námsþáttar. Verkefnastjóri sér til þess að námsþættir séu samþættir eins og kostur er og í rökréttu samhengi, ber ábyrgð á þjónustu við þátttakendur. Áhersla er á að leiðbeinendur noti fjölbreyttar kennsluaðferðir sem henta fullorðnum, beiti samþættingu og leitist við að nota hversdagsleg viðfangsefni í innlögn og þjálfun. Miðað er við að verkþjálfun fari fram samhliða til að styðja við yfirfærslu náms þegar það á við. Verkefnastjóri náms hjá fræðsluaðila metur umsækjendur inn í námið. |
| Námsmat: | Námsárangur og framvinda er metin út frá hæfniviðmiðum námsins með fjölbreyttum matsaðferðum sem fræðsluaðili samþykkir og lýst er í kennsluáætlun. Við mat á hæfni skoðast þátttaka nema ásamt vinnu og virkni. Áhersla er á að leiðbeinandi og nemar fari sem oftast yfir það sem hefur áunnist og hvernig nemum gangi að ná hæfniviðmiðum námsins. Námsmat nýtist sem staðfesting á námsárangri og jafnframt sem lærdómur, hvatning og endurgjöf á námstímanum. Nemum gefst færi á að fylgjast með eigin framförum m.a. með því að halda verkdagbók sem lið í að meta eigin námsframvindu. Verkdagbókin nýtist í samtali nema og leiðbeinanda en einnig við lokamat. Áhersla er á leiðsagnarmat sem byggir á vinnu og virkni nema. |
| Starfsnám: | Nei, ekki er um eiginlegt starfsnám að ræða en námið er í tengslum við starf eða listgrein með uppbyggingu og aukinni þjálfun til þeirra verka og verkefna sem viðkomandi smiðja nær til. |
| Markhópar |
|
| Hæfni-, þekkingar- og leikniviðmið |
|
Nemendastundir Fjöldi klukkustunda til að ljúka námskrá
| 160 klst. |
Kjarni Námsþættir í námskrá
Credits Percentage
Þrep 1
Þrep 2
Þrep 3
Þrep 4
Frjálst Val Aðrir óskilgreindir námsþættir sem hægt er að velja/meta í námskránni
Nei, frjálst val er ekki leyft