Námsbraut
Titill brautar: | Námsleið: | Námslok: |
Bifreiðasmíði (Staðfestingarnúmer 300) 18-300-3-8 | bifreiðasmiður | hæfniþrep 3 |
Lýsing: | Í bíliðngreinum blandast saman nútíma tölvu- og hátækni og hefðbundið handverk. Fagmenn í greinunum vinna fjölbreytt störf m.a. við viðgerðir, viðhald og nýsmíði bifreiða og vinnuvéla af öllu tagi.
Bifreiðasmiðir starfa við réttingar á burðarvirki og yfirbyggingu ökutækja. Einnig starfa þeir við smíðar og breytingar á yfirbyggingu og burðarvirki ökutækja. Vinnustaðir þeirra eru réttingar-, málningar- og bifreiðaverkstæði. Bifreiðasmiður er lögverndað starfsheiti og bifreiðasmíði lögvernduð iðngrein. |
Grunnupplýsingar Meginatriði brautarlýsingar
Inntökuskilyrði: | Nemendur skulu hafa lokið grunnskólaprófi. Inntökuskilyrði eru nánar útfærð í skólanámskrá. |
Skipulag: | Nemendur ljúka 45 einingum í almennum greinum, faglegum og bóklegum. Eftir einnar annar nám í almennum greinum hefja nemendur nám í sérgreinum bifreiðasmíði uppfylli þeir skilyrði þar að lútandi sem sett eru í skólanámskrá. Nám í sérgreinum er 83 einingar. Heildarnámstími er þrjú og hálft ár en gert er ráð fyrir að nemendur ljúki þeim hluta námsins sem fram fer í skóla á tveimur og hálfu ári. Hluta vinnustaðanámsins, sem telur 90 einingar, geta nemendur lokið samfara námi í skóla.
Áhersla er lögð á að nemendur kynnist í námi sínu þeim verkferlum og tækni sem beitt er í atvinnulífinu og er leitast við að hafa samstarf við þau iðnfyrirtæki sem fremst standa á sviði bíliðna hverju sinni þannig að nemendur kynnist því verklagi sem þar er stundað. Nemendur takast á við hagnýt verkefni og er verklegt nám að stærstum hluta einstaklings- og verkefnamiðað. Hagnýtir og fræðilegir þættir eru tengdir saman eins og kostur er þannig að nemendur öðlist sem dýpstan skilning á þeim aðferðum sem beitt er við hvern verkþátt. Í bóklegum greinum er leitast við að svara kröfum samfélagsins um breiða, almenna menntun. Grunnþáttum menntunar eru gerð skil í ýmsum námsáföngum og leitast við að efla gagnrýna hugsun og sköpunarkraft nemenda með fjölbreyttum hætti. Nám í bifreiðasmíði er 218 eining. Grunnnám er 45 einingar, sérgreinar í bifvélavirkjun 83 einingar og vinnustaðanám 90 einingar. |
Námsmat | Námsmati er ætlað að veita haldgóða mynd af hæfni nemanda í ljósi hæfniviðmiða einstakra námsáfanga auk upplýsinga um framkvæmd kennslunnar og árangur þeirra náms- og kennsluaðferða sem beitt er. Tilgangur þess er ekki síður að veita nemandanum endurgjöf og leiðbeina honum á leið sinni í gegnum námið í viðkomandi áfanga. Því er um leiðsagnarmat að ræða í öllum áföngum. Sem dæmi um námsmatsaðferðir má nefna verkefnavinnu, skrifleg, munnleg og verkleg próf, jafningjamat, sjálfsmat, ritgerðarsmíð og skýrslugerð. |
Starfsnám: | Starfsþjálfun nema í bifreiðasmíði er 90 einingar. Þjálfunin, sem er í umsjón viðkomandi framhaldsskóla, fer fram á viðurkenndu verkstæði og er á ábyrgð löggilds iðnmeistara í greininni.
Tilgangur starfsþjálfunar er að efla verkfærni nemenda og almenna þekkingu á störfum og starfsumhverfi í bíliðngreinum. Þeir hljóta þjálfun í að umgangast búnað og verkfæri í samræmi við reglugerðir og staðla, beita áhöldum og tækjum og öðlast reynslu í sjálfstæðum og faglegum vinnubrögðum. Nemendum er ætlað að temja sér þjónustulund gagnvart viðskiptavinum ásamt vilja og hæfni til samstarfs á vinnustað. Lögð skal áhersla á að nemendur þjálfist í að takast á við raunveruleg og fjölbreytt verkefni þar sem fyrirmæli, verklýsingar, staðlar, reglugerðir o.fl. liggja fyrir. Jafnframt er, líkt og í skólanáminu, lögð áhersla á viðfangsefni sem nemendum er ætlað að leysa í krafti eigin hugkvæmni, úrræðasemi og rökvísi. Í námsferilbók eru fyrirmæli um skipulag og verkþætti í starfsþjálfun á vinnustað. Iðnfulltrúi fer reglulega yfir framvindu náms viðkomandi iðnnema og samþykkir eða gefur, eftir atvikum, ábendingar um úrbætur eða fjölbreyttari verkefni. |
Reglur um námsframvindu: | Til þess að standast námsáfanga þurfa nemendur að ná einkunninni 5,0 eða S (staðið). |
Hæfniviðmið: |
Að loknu námi skal nemandi hafa hæfni til að ...
|
Einingafjöldi Fjöldi framhaldsskólaeininga sem þarf til að útskrifast af brautinni
218 fein. |
Kjarni Skylduáfangar brautarinnar
Hlutfall eininga á þrepum í kjarna
Þrep 1
Þrep 2
Þrep 3
Þrep 4
Frjálst Val Aðrir óskilgreindir áfangar sem nemendur geta valið/metið á námsbrautinni
Nei, frjálst val er ekki leyft